” ريف رس ” 23 يوليوز 2023
محمد لغريسي – بلجيكا
ماشي سميا دشي كتاب
ماشي سميا ديال شي نصراني
ماشي بلاصا فشي بلاد
هادي زعما غنكتب بالدارجة ونوصلو لمعنى بالدارجة
ايييه كاين لي عيب عليا قالي فين ثمازيغت..
فهاد الساعة الله اجيب، كاين غتعرابت والدارجة….
لي كيعجبني نهار لي مكنخدمش كنقسم راسي على جوج فالطابلة،…
اوكنسمي الاول لغريسي(1) ديال شحال هادي،كنعطيه الحرية يهدر على لي فات ولي داز ولي دوز من نهار دزاد حتى لنهار جا لبلجيكا….
كايقابلو في الطابلة لغريسي( 2) التاني هداك كنعطيه صفة مراقب، مفتش، مقارن، مقرر، مشرع، المهم هو المسير، ،،،
اتافقو ايهدرو على موضوع السياحة فبلبلاد..
لغريسي( 1):كان كيعجبني مين كايجيو المشاهير للمغرب
كولشي كيقولها فينا مزيانة،،واحنا كيعحبنا كلامهم اوكنفتاخرو بهم
شتي لبارح جا زيدان …
جا رونالدو
جا ساركوزي
جات بيونسي
جاكاظم،الساهر،،،، هداك سكن عندنا فالرباط
اوزييد اوزييد ،،،شلا قامات اوهمات،زارت لبلاد
لغريسي( 2):مزيان اسي،بلحق انا 24سنة فهاد لبلاد عمري شفتهم دهشو ولا انباهرو بشي مغربي ولا عربي جا لعندهوم ,من غير الا جا شي شخصية دو مال.
..
لغريسي( 1):دبا غير بيني اوبينك واش باقي عاد ما يفرحو بنا ولا يرحبو بنا واحنا فايتين ستة دلمليون فاروبا،اتقي الله اسي محمد ،،عليها حنا كنفرحو الا شفنا نصراني فلبلاد ،أو المصيبة حتى فبلجيك كتفرح الا شتي بلجيكي…
لغريسي( 2)/اوا اونتوما كيفاش كيديرو معاكم فلمغرب،،زعما المعاملة، بحالكم بحال زيدان
لغريسي( 1)/ لا،،ياودي بحال لي جا حديدان
فالاول كانو كيسميونا (lharaga),
كل واحد كفاش اوصل…..
كول واحد باش اوصل…..
,كنوصلوا كنصاوبوا لوريقات، كتدخل، مرحبا بكم فبلادكم
الجالية الغالية
.ولكن داكشي حدو قدو،،كايدوز شهر فلعبايا، السوق، الدلاح، جمعة مباركة، شوف لفميليا، عاون هادا، وصل هادا
لفضيحةهي لوقت ديالCOVIDطرقو البيبان او السراجم.تقول انت بحاللي ماشي ولادهم.السيد دخل لمليلية على نهار خرج على عامين…بحال اهل الكهف، كاين لي حظر لعرس ديال ختو غا من السرجم فلحدادة بين بني انصار أو مليلية …..
الحاصول دايمن غتسمع نفس الهدرة ،فالاول/توحشنا لبليدة، غي كايرجع كيبقا على لحديدة، أو ماتسمع بناقس من داك لبليدة لكبيدة…
لغريسي( 2)دبا حتا انا بحالك منين كبرت عاد بديت كنخمم فالفوضى والمفهوم، ديال السياحة فلبلاد ،
كاين قطاع السياحة للمشاهير والاباطرة والعمالقة، ،وأصحاب دو مال.
كاين قطاع اجاي تسيح اوتسبح اوتنفح أو تشطح اوتزدح للمهاجرين الغير الأنصار.
السائح هو النصراني كما كان، راقص، راقصة، كوميدي، مستثمر، المهم ماتكونش الملة ديالو بحالي…،اما حنا غي مهاجرين ننعش السياحة،بحال زعما هي مريضة كنجيو حنا نعطيو ليها الباكستير
لغريسي( 1):شوف اسي بلاما تبقا تجبد لي فلساني، حنا مولفين هاد لحريرة، نوض إلى عندك شي طوبيس تسوكو، اليوم الاحد ماخصني صدع حد.
لغريسي( 2):ننعس، نعس اولدي، قالها كبور :
تاراه مكاينش معا من ماكاينش .
